Կորեան և ԱՄՆ-ն ռազմաօդային ուժերի զորավարժություններ են անցկացվել Կորեական թերակղզու երկնքում՝ ներգրավելով ամերիկյան B-1B ռազմավարական ռմբակոծիչը, այդ մասին հայտնել է Կորեայի պաշտպանության նախարարությունը։

Զորավարժություններին ներգրավվել են նաև կորեական F-35A, F-15K և KF-16 կործանիչները, ամերիկյան կողմը գործարկել է նաև F-35B և F-16 կործանիչներ։

Կորեական կողմը նշում է, որ այս տարվա ընթացքում ԱՄՆ-ի ռազմավարական ռմբակոծչի ներգրավմամբ  զորավարժություններ երկրորդ անգամ են անցկացվում։

Ըստ Կորեայի ՊՆ տեղեկագրի՝ 2017 թվականից սկսած՝  առաջին անգամ ամերիկյան ռազմավարական ռմբակոծիչը զորավարժությունների ժամանակ օգտագործել է JDAM ռումբ՝ ցուցադրելով «հակառակորդի պաշտպանության խորքերում» թիրախները ճշգրիտ խոցելու ունակություն։ Զորավարժությունների ընթացքում հարավկորեական F-15K կործանիչներն օգտագործել են մարտական արկեր՝ ցուցադրելով Հյուսիսային Կորեայի կողմից «միջուկային հրթիռային սպառնալիքին և սադրանքներին» արձագանքելու ունակություն։