Երևանում Իրանի դեսպանությունը կարեկցանք է հայտնել մայիսի 26-ին տեղի ունեցած ջրհեղեղի կապակցությամբ:
«Երևանում Իրանի Իսլամական Հանրապետության դեսպանությունն իր կարեկցանքն է հայտնում Հայաստանի որոշ քաղաքներում և բնակելի թաղամասերում վերջերս տեղի ունեցած ջրհեղեղի հետևանքով մարդկային զոհերի և նյութական վնասների վերաբերյալ: Դեսպանությունը զորակցությունն է հայտնում բարեկամ Հայաստանի Հանրապետության կառավարությանն ու ժողովրդին՝ հատկապես վերոնշյալ աղետից տուժածներին»,- նշված է հայտարարության մեջ:
Հիշեցնենք՝ մայիսի 26-ին հորդառատ անձրևների և Դեբեդ, Աղստև, Տաշիր գետերի վարարման հետևանքով Լոռու և Տավուշի մարզերում հեղեղումներ են առաջացել, ջրալցվել են տներ, շենք-շինություններ, քանդվել ճանապարհներ։
Փլուզվել է 17 կամուրջ։ Հեղեղումների հետևանքով զոհերի թիվը 4 է։
