Թյուրքագետ Վարուժան Գեղամյանը գրել է․
«Այն ժամանակ, երբ Հայաստանի դե-ֆակտո իշխանությունը աստիճանաբար հրաժարվում է Հայոց ցեղասպանությունից, Թուրքիան ոչ միայն շարունակում է հերքել իր հանցագործությունը, այլև հակառակը` պնդել, որ հայերն են կոտորել թուրքերին:
Այդ մասին է, օրինակ, այսօր Թուրքիայի պաշտպանության նախարարության հրապարակած պաշտոնական հայտարարությունը: Դրանում, մասնավորապես, ասված է, թե «այսօր մենք հիշում ենք հայերի կողմից սպանված անմեղ ու անպաշտպան թուրքերին»: Բացի դրանից, ամենաբարձր մակարդակով թուրքական պետությունը կազմակերպում է տարաբնույթ միջոցառումներ, որոնք կոչված են հերքելու ցեղասպանությունը»:
