Թուրքիայի նախագահ Ռեջեփ Թայիփ Էրդողանը հայտարարել է, որ Իսրայելը, Գազայում սպանելով մոտ 14 հազար անմեղ երեխաների, հանցագործությունների և դաժանության մեջ գերազանցել է Հիտլերին․
«Իսրայելը, Արևմուտքի անվերապահ աջակցությամբ, զանգվածային սպանություններ է իրականացնում ինչպես Գազայում, այնպես էլ արևմտյան ափին, ինչը մարդկության պատմության ամենախայտառակ իրադարձություններից մեկն է»,- ասել է նա։
ՀԱՄԱՍ-ի պաղեստինյան դիմադրության պայքարը համեմատելով ավելի քան մեկ դար առաջ Թուրքիայի պատերազմի հետ՝ Էրդողանն ասել է. «Մենք լավ գիտենք, որ անկախության հասնելու համար պետք է գին վճարել»:
