ՀՀ սննդամթերքի անվտանգության տեսչական մարմինն ամփոփել է Սուրբ Զատկի տոնակատարությանն ընդառաջ ձվի արտադրությամբ զբաղվող կազմակերպություններում և իրացման շուկայում մարտի 20-ից 29-ը ներառյալ իրականացված վերահսկողական միջոցառումների արդյունքները:
Ըստ այդմ՝ «Լուսակերտ Էլիտ» ՍՊ, «Արզնու տոհմային ԹՏԽ» ԲԲ, «Աշտարակ ձու» ՍՊ, Վլադ Հակոբյանի անվան «Համակցված կերերի գործարան» ՓԲ, «Արաքս թռչնաֆաբրիկա» ՓԲ ընկերություններին պատկանող արտադրություններում խախտումներ չեն հայտնաբերվել: Նմուշառված ձվերի լաբորատոր հետազոտությունները վկայում են, որ դրանք համապատասխանում են սեղանի ձվի նկատմամբ օրենքով և ԵԱՏՄ տեխնիկական կանոնակարգերով սահմանված պահանջներին:
«ՆՈՐ ԶՈՎՔ» ՍՊԸ-ին պատկանող սուպերմարկետների ցանցի երկու մասնաճյուղերում արձանագրվել է հետևյալ պատկերը՝
Երևանի Դավթաշեն 4-րդ թաղամասի 26/1 հասցեում գործող խանութում հայտնաբերվել է Արաքս թռչնաֆաբրիկայի արտադրության պիտանիության ժամկետն անցած 20 հավի ձու, որոնց իրացումը կասեցվել է, ձվերը ոչնչացվել են,
Երևանի Դավիթ Բեկի 7/3 հասցեում գործող մասնաճյուղում հայտնաբերվել է Մհեր Ավետիսյան անհատ ձեռնարկատիրոջը պատկանող 22․03․2024թ. արտադրության թերի մակնշմամբ 11 տուփ լորի ձու (յուրաքանչյուրում 20 հատ), որոնց իրացումը կասեցվել է, տուփերը վերադարձվել են մատակարարին՝ թերի մակնշումը շտկելու հանձնարարականով։
«Պար-Արտ» ՍՊԸ-ին պատկանող իրացման կետում (Երևան, Անդրանիկի 148/2) ևս հայտնաբերվել է Մհեր Ավետիսյան անհատ ձեռնարկատիրոջը պատկանող 25․03․2024թ արտադրության թերի մակնշմամբ 30 տուփ լորի ձու (յուրաքանչյուրում 20 հատ): Խմբաքանակի իրացումը կասեցվել է, տուփերը վերադարձվել են մատակարարին՝ թերի մակնշումը շտկելու հանձնարարականով։
«Տիտան-93» ՍՊԸ-ին պատկանող սուպերմարկետների ցանցի Երևանի Բ․ Մուրադյան 3/72 հասցեում գտնվող մասնաճյուղում կատարվել է հսկիչ գնում «Լուսակերտ Էլիտ» և «ԵԹՖ Արաքս» ընկերությունների 27.03.2024թ. արտադրված ձվերից, որոնց լաբորատոր փորձաքննությամբ խախտումներ չեն արձանագրվել։
«Սիթի» ՍՊԸ-ին պատկանող սուպերմարկետների ցանցի Երևանի Սեբաստիա 141/5 և Կոմիտաս 60/2 հասցեներում գործող իրացման կետերում ևս իրականացվել են վաճառվող ձվի հսկիչ գնումներ: Մասնավորապես՝ նմուշառվել և լաբորատոր փորձաքննության են ներկայացվել Ա/Ձ Էդուարդ Մարտիրոսյան, «Արարատ» ՍՊԸ, «Արզնու Տոհմային ԹՏԽ» ԲԲԸ, «Արաքս Թռչնաֆաբրիկա» ՓԲԸ, «Աշտարակ Ձու» ՍՊԸ կազմակերպությունների կողմից 19․03․2024-ից 23.03.2024-ընկած ժամանակահատվածում արտադրված ձվեր:
Բոլոր նմուշները համապատասխանել են սեղանի ձվի նկատմամբ իրավական ակտերով ներկայացվող պահանջներին։
Երևանի Կոմիտաս 60/2 հասցեում հայտնաբերվել է «Արզնու Տոհմային ԹՏԽ» ԲԲԸ-ի արտադրության ձվերի մի քանի տուփ, որոնց վրա բացակայել է արտադրության օրը:
Տրվել է «Արտադրանքի իրացումը կասեցնելու մասին» կարգադրագիր, որի պահանջները մեկօրյա ժամկետում կատարվել են։
Նույն հասցեում հայտնաբերվել է նաև Ռաֆիկ Մնացականյան և Տարոն Երիցյան անհատ ձեռնարկատերերին պատկանող համապատասխանաբար՝ 23․03․2024թ. և 22․03․2024թ արտադրության թերի մակնշմամբ լորի ձվեր, որոնց իրացումը ևս կասեցվել է. տուփերը վերադարձվել են մատակարարին՝ թերի մակնշումը շտկելու հանձնարարականով։
«Էվրիկա Գրուպ» ՍՊԸ-ին պատկանող Երևանի Սայաթ-Նովա 19/1 հասցեում գործող իրացման կետում վաճառվող «Արաքս Թռչնաֆաբրիկա» ՓԲԸ-ի (25․03․2024թ) և «Արարատ» ՍՊԸ-ի (27․03․2024թ) արտադրության ձվերից հսկիչ գնումով վերցված նմուշներում անհամապատասխանություններ չեն արձանագրվել։
Կարլեն Չամակյան (Շիրակի մարզ, ք. Գյումրի, Խրիմյան Հայրիկ 55/1) և Հայկ Հովհաննիսյան (Շիրակի մարզ, Գյումրի, Ռիժկովի 1) անհատ ձեռնարկատերերին պատկանող իրացման կետերում հսկիչ գնում է կատարվել «Լուսակերտ Էլիտ» ՍՊ, Վլադ Հակոբյանի անվան «Համակցված կերերի գործարան» ՓԲ և «Գնթունիկ» ՍՊ ընկերությունների արտադրության ձվերից: Նմուշների լաբորատոր փորձաքննությամբ՝ խախտումներ չեն հայտնաբերվել:
