Newspress.am կայքի հիմնադիր Արիանա Հովսեփյանը ֆեյսբուքյան իր էջում գրել է. «Փաստորեն, իրավապահ համակարգը Հայաստանում վերջնականապես չի մեռել, չնայած որոշները փորձում են այն զոռով թաղել խոր փոսում: Մեքենաս վնասելու գործը հավուր պատշաճի քննվել է Քննչական կոմիտեում, ինչի համար շնորհակալություն եմ հայտնում ՔԿ նախագահ Արգիշտի Քյարամյանին և գործով զբաղվող քննիչներին:
Հայտնում եմ, որ մեքենայիս վնասը գնահատվել է 6.6 մլն դրամ: Դիմում եմ Գլխավոր դատախազությանը` չբզբզաք: Հանցագործի տեղը բանտում պիտի լինի, ոչ թե տնային կալանքի տակ: Հատկապես իր իսկ կողմից խոստովանած հանցագործությունը կատարողի:
Իսկ թե ինչու դատախազությունը, որ այնքան սիրում է մարդկանց կալանքի տակ պահել զուտ Ֆեյսբուքում ստատուս գրելու կամ, ասենք, ներկայացում բեմադրելու համար, չի բողոքարկել այդ հանցագործի տնային կալանքը... հաջորդ դասին: Խոստանում եմ, որ դրա «ձայնը կլսեք»:
Ավելի վաղ Irakanum.am-ը հայտնել էր, որ այրել էին Հովսեփյանի մեքենան։
