Սանկտ-Պետերբուրգում մաքսային ծառայողները թմրանյութի մեծ խմբաքանակ են հայտնաբերել ու առգրավել, հայտնել է Հյուսիսարևմտյան մաքսային վարչության մամուլի ծառայությունը։
«Բալթյան և Հյուսիսարևմտյան մաքսատների աշխատակիցները ՌԴ ԱԴԾ տնտեսական անվտանգության ծառայության հետ կանխել են ավելի քան 100 կգ ընդհանուր քաշով կոկաինի մաքսանենգության երկու դեպք»,- նշված է հաղորդագրությունում։
Պոլիմերային թաղանթներով պատված 100 միանման փաթեթները հայտնաբերվել են բանանի արկղերում, այդ կոնտեյներները Բելգիայից Պետերբուրգի նավահանգիստ ժամանած նավերում են եղել։
Հարուցվել է երկու քրեական գործ՝ ՌԴ Քրեական օրենսգրքի 229․1 հոդվածի 4-րդ մասով՝ առանձնապես խոշոր չափերով թմրամիջոցների մաքսանենգություն։
