Գեղարքունիքում իրավիճակը շարունակում է լարված մնալ, Երևանից Գեղարքունիք բերված հատուկ ջոկատայինների, ոստիկանության այլ ստորաբաժանումների կողմից ավելի քան 30 քաղաքացի է բերման ենթարկվել։ ՀՀ ՆԳՆ ոստիկանության լրատվության վարչության պետի տեղապալ Էդգար Ջանոյանը Irakanum.am-ի հետ զրույցում ասաց, որ խուլիգանության և պաշտոնատար անձի օրինական ծառայողական գործունեությանը միջամտելու կասկածանքով կան ձերբակալվածներ։
«Նրանք և կազմված փաստաթղթերը ներկայացվել են նախաքննական մարմնին»,- ասաց Ջանոյանը։
Հիշեցնենք, որ վաղ առավոտից Երևան-Սևան ավտոճանապարհին ոստիկանական ուժեր են կենտրոնացվել։ Մասնավորապես, ապօրինի ձկնորսության դեմ պայքարի շրջանակներում իրավապահներն առգրավել են ձկներ, իսկ ձկնորսությամբ զբաղվող նորատուսցիները պատրաստվում են բողոքի ակցիաներ իրականացնել՝ փակելով ճանապարհը։
