Մոսկվայի «Վնուկովո», «Դոմոդեդովո» և «Շերեմետևո» օդանավակայաններում ժամանող և մեկնող 17 չվերթ հետաձգվել է, ևս 4-ը՝ չեղարկվել, հետևում է «Յանդեքս․ Ժամանակացույց»-ի տվյալներից։
Մոսկվայի ժամանակով ժամը 12։20-ի տվյալներով, 8 չվերթ հետաձգվել է դեպի «Վնուկովո», 3-ը՝ «Դոմոդեդովո», 6-ը՝ «Շերեմետևո»։ Բացի այդ, չեղարկվել է 2-ական չվերթ դեպի «Վնուկովո» և «Դոմոդեդովո» օդանավակայաններ։
Այսօր՝ դեկտեմբերի 3-ին, Մոսկվայում ձյան առատ տեղումներ և բուք է սպասվում։ Հիդրոօդերևութաբանության կենտրոնը մայրաքաղաքում եղանակային վտանգի դեղին մակարդակ է հայտարարել։ Արտակարգ իրավիճակների նախարարությունը արտակարգ նախազգուշացում է տվել եղանակային անբարենպաստ պայմանների պատճառով, գրում է Коммерсант-ը։
