Մենք, առհասարակ, չենք վախենում իշխանությունը կորցնելուց, որովհետև, ինչպես մինչև իշխանությունը ազնիվ ապրում և պայքարում էինք ՀՀ շահերի և քաղաքացու համար, այնպես էլ՝ իշխանության ընթացքում, Երևանի քաղաքապետարանում լրագրողների հետ զրույցում ասաց ավագանու «Քաղաքացիական պայմանագիր» խմբակցության քարտուղար Նուարդ Վարդանյանը։
«Ես, ինչպես մինչև այսօր ապրել եմ Երևանի կենտրոնում պարզ ճակատով, այնպես էլ շարունակելու եմ», - ասաց Վարդանյանը։
Լրագրողի հարցին, թե Նիկոլ Փաշինյա՞նն էլ է ազատ քայլելու, նրա նկատմամբ քրեական գործ չի՞ հարուցվելու, քաղաքացիները չե՞ն հարցնելու, թե ինչու հանձնեց Արցախը՝ Նուարդ Վարդանյանը պատասխանեց.
«Իհա՛րկե, Նիկոլ Փաշինյանն էլ։ Արցախը չեն հանձնել։ Խնդրում եմ ինձ էդ դաշտ չմտցնել, ես ավագանու անդամ եմ, եթե տրանսպորտի մասին հարց կա՝ տվեք»։
Նա անդրադարձավ նաև իր ունեցվածքին, և հայտարարեց, որ բնակարան նվեր ստացել է տատիկից, իսկ մեքենան՝ ամուսնուց։
Մանրամասները՝ տեսանյութում։
