Շիրակի մարզի բնակիչ 63-ամյա Գեւորգ Մ.-ն իրեն պատկանող «ՄՏԶ-80» մակնիշի տրակտորով «Խուզեյ» կոչվող դաշտում տրակտորի հետնամասում ամրացված խոտհնձիչի վրա աշխատանքներ կատարելու ընթացքում տրակտորը ինքնագնաց շարժվել է առաջ, որի հետեւանքով Գեւորգ Մ.-ի վերնազգեստը փաթաթվել է խոտհնձիչի մատերին՝ քաշելով իջեցրել ցած, ինչի հետեւանքով էլ վերջինս մարմնական վնասվածքներ է ստացել եւ տեղում մահացել: Այս մասին հայտնում է shamshyan.com-ը։

Դեպքի փաստով Շիրակի մարզային քննչական վարչությունում նախաձեռնվել է քրեական վարույթ։