Այսօր՝ օգոստոսի 6-ին, արտակարգ դեպք է տեղի ունեցել Արմավիրի մարզում: Ժամը 21:40-ի սահմաններում ՀՀ Ներքին գործերի նախարարության Փրկարար ծառայության 9-11 Ճգնաժամային կառվարման ազգային կենտրոն ահազանգ է ստացվել, որ Երևան-Արմավիր ավտոճանապարհի՝ Մեծամոր քաղաքի վարչական տարածքում, արգաչափի հարևանությամբ ավտոմեքենա է այրվում. հայտնում է ֆոտոլրագրող Գագիկ Շամշյանը:
Հրշեջները մարել են Volkswagen Vento-ում առաջացած կրակը, սակայն այն ամբողջությամբ վերածվել է մոխրակույտի և ըստ նախնական տեղեկությունների՝ բարեբախտաբար տուժածներ չկան:
Ոստիկանությունը պարզում է ավտոմեքենայի սեփականատիրոջ ինքնությունը:
