Այսօր ՀՀԿ փոխնախագահ Արմեն Աշոտյանի ծննդյան օրն է: Վարչապետ Նիկոլ Փաշինյանը մամուլի ասուլիսի ժամանակ շնորհավորեց նրա տարեդարձը, երբ լրագրողը հարց տալու ժամանակ ասաց, որ Աշոտյանի տարեդարձն է:
«Չէ, առանց բանի, մարդու ծննդյան օրն է, բոլոր այն մարդկանց, ում ծննդյան օրն այսօր է, շնորհավորում եմ»,- ասաց վարչապետը:
Նա անեկդոտ էլ պատմեց ու ներողություն խնդրեց բոլոր այն մարդկանցից, ում անունը Սպարտակ է:
«Մեկը մեկին հարցնում է՝ անունդ ի՞նչ է, ասում է՝ Սպարտակ, ասում է՝ ինչի դու ո՞ր թիվ ես: Հիմա դուք, որ պատմում եք, ո՞ր թվի մասին եք պատմում: Լրիվ Սպարտակի թվի պատմություն եք պատմում», - ի պատասխան լրագրողի հարցին, որ կալանքի մեջ են Վանաձորի նախկին քաղաքապետ Մամիկոն Ասլանյանը, Պաշտպանության նախկին նախարար Դավիթ Տոնոյանը, ՊԲ նախկին հրամանատար Միքայել Արզումանյանը, գեներալ Գրիգորի Խաչատուրովը և Աշոտյանը:
«Աշոտյանը «Սպարտակի թվի՞ն» է կալանավորվել», - հետաքրքրվեց լրագրողը, Փաշինյանն էլ, չզսպելով ծիծաղը, ասաց՝ չէ:
