ԱՀ սոցիալական զարգացման և միգրացիայի նախարարությունը տեղեկացնում է, որ ս․թ․ հունիսի 23-ից կմեկնարկի  բարեգործական կազմակերպությունների կողմից Արցախ ուղարկված մարդասիրական օգնության բաշխման հերթական փուլը, որի շրջանակներում Ստեփանակերտ քաղաքում փաստացի բնակվող՝ հաշմանդամության խումբ ունեցող և կերակրողին կորցրած՝ 63 տարին լրացած, աշխատանքային կամ սոցիալական կենսաթոշակ ստացող անձանց կտրամադրվի սննդամթերք և հիգիենայի պարագաներ։

Օգնությունները կտրամադրվեն Ստեփանակերտ քաղաքի թվով 5 դպրոցներում բացված կետերից։

Բաշխման ընթացակարգը կիրականացվի հետևյալ կերպ․

N5 դպրոցից՝  կենսաթոշակն Արցախփոստի՝ Բաղրամյան 2ա հասցեում գտնվող բաժանմունքից  ստացող անձանց

N6 դպրոցից՝  կենսաթոշակն  Արցախփոստի՝ Ա․ Առաքելյան 4/4 հասցեում գտնվող բաժանմունքից  ստացող անձանց

N8 դպրոցից՝  կենսաթոշակն՝ Արցախփոստի՝ Հակոբ Հակոբյան 30, Ազատամարտիկների 13/50 հասցեներում գտնվող  բաժանմունքներից ստացող անձանց

N9 դպրոցից՝  կենսաթոշակն Արցախփոստի՝ Գ․ Լուսավորիչ 5   հասցեում գտնվող բաժանմունքից  ստացող անձանց

N11 դպրոցից՝  կենսաթոշակն Արցախփոստի՝  Իսակովի 15,  Ալեք Մանուկյան 4ա/4 հասցեներում գտնվող բաժանմունքներից  ստացող անձանց։

Նշված խմբերին պատկանող՝ Ստեփանակերտ քաղաքում փաստացի բնակվող  տեղահանված անձանց օգնությունը կտրամադրվի  համար 6 դպրոցից։

Աջակցությունները կտրամադրվեն ժամը 10։00-ից մինչև 17։00-ն։ Ընդմիջման ժամը՝ 13։00-14։00-ն է։