Իրավապաշտպան Կարապետ Պողոսյանը ֆեյսբուքյան իր էջում գրել է.
Գյումրին հանձնո՞ւմ են
ՀՀ կառավարության կողմից ստեղծվել է Գյումրու զարգացման աշխատանքային խումբ, որի ղեկավար է նշանակվել փոխվարչապետ Մհեր Գրիգորյանը։
Բնականաբար անվանումը շատ ոգևորիչ է, եթե չճանաչեինք ՀՀ կառավարությանը և դրա ղեկավար Ն Փ֊ին, ով ընդամենը հինգ տարվա կործանման տարավ երկու հայկական պետականություն։
Գաղափարն էլ մոտիվացնող է, եթե չճանաչեինք աշխատանքային խմբի ղեկավարին, ով զբաղված է ադրբեջանական սցենարներով ՀՀ կողմից սահմանազատման և սահմանագծման աշխատանքներով, այսինքն գյուղ առ գյուղ հանձնելով։
Իսկ մի փոքր խորանալու դեպքում հասկանում ես, որ այս աշխատանքային խումբը բացարձակապես, որևէ աղերս չունի Գյումրու զարգացման հետ։ Այն զբաղվելու է Գյումրի֊Կարս երկաթգծի վերագործարկման աշխատանքներով։
Իսկ նման անվանումը նիկոլիզմի հերթական <<աննախադեպ>> թեզերի և <<Արցախը տանք հանգիստ ապրենք>> կործանարար և կեղծ գաղափարի շրջանակներում է, ինչպիսին էին օրինակ` կապիտուլացիան ստորագրեցի, որ կյանքեր փրկեմ, կամ մենք գնում ենք խաղաղության օրակարգով, բայց գիշեր ցերեկ մարդիկ են սպանվում սահմանին և այլն։
Այս խմբի առաքելություններից է լինելու նաև ավիրելը այն ամենը, ինչը կարող է թասիբ և հայրենասիրություն առաջացնել։
Պատահական չէր նաև հունիսի մեկին երեխաներին թուրքական դրոշներին նման լաթի կտոր բաժանելը և մինչ հիմա համայնքապետի կողմից այդ խայտառակությանը չանդրադառնալը
Շարունակելի ...
Հ.Գ
Հա, որպեսզի որևէ գյումրեցի պատահաբար չոգևորվի, թե <<թուրքի հետ առևտուր կանենք կապրենք>>, ասեմ հետևյալը չեք կարողանալու, ինչպես թուրքիայի հետ առևտուր անողները 18֊ից հետո չկարողացան, քանի որ դա դարձավ մի քանիսի մենաշնորհը, հարցրեք մինչ 18֊ը առևտուր անողներին։
