Լոս Անջելեսում հայկական մաֆիայի նախկին պարագլուխը դատապարտվել է 40 տարվա ազատազրկման՝  ավելի քան 1 մլրդ դոլար խարդախության սխեմայում ունեցած իր դերի համար. այդ մասին հայտնում է ABC7-ը։

Լև Ասլան Դերմենը, որը նաև հայտնի է որպես Լևոն «Առյուծ» Թերմենջյան, մեղավոր է ճանաչվել Յուտայում «պոլիգամ» աղանդի (որը հայտնի է նաև որպես «Օրդեն») անդամների հետ դավադրության մեջ՝ պատմության ամենահամարձակ հարկային խարդախություններից մեկի համար:

Ըստ ԱՄՆ արդարադատության նախարարության՝ Դերմենի 2020 թվականի դատավարության ժամանակ ձեռք բերված դատական ​​փաստաթղթերն ու վկայությունները ցույց են տալիս, որ 2010-ից 2018 թվականներին նա դավադրություն է կազմակերպել Քինգսթոնի կլանի տարբեր անդամների հետ՝ խաբեությամբ ավելի քան 1 միլիարդ դոլարի վերականգնվող վառելիքի հարկային արտոնություններ ստանալու համար: ԱՄՆ հարկային վարչությունն ի վերջո վճարել է ավելի քան 511 միլիոն դոլարի վարկ Washakie Renewable Energy-ին՝ Յուտայի բիոդիզելային ընկերությանը, որը պատկանում է Ջեյքոբ եւ Եսայա Քինգսթոններին:     

Բացի բանտարկությունից, Դերմենին պարտավորեցրել են վճարել IRS-ին $442,615,520 վնասի փոխհատուցում, ինչպես նաև ավելի քան $181 մլն դրամական տուգանք:

Ավելին՝ այստեղ