Կիևի պահեստներում հայտնաբերվել են զինվորականների համար նախատեսված մարդասիրական օգնության արկղեր, որոնք առաքվել են Ադրբեջանից և այլ երկրներից։ Այս մասին հայտնում է Minval.az-ը։

Ըստ լրատվամիջոցի՝ խուզարկությամբ հայտնաբերվել է տոննաներով մարդասիրական օգնություն՝ ուղարկված Ադրբեջանից, Լեհաստանից, Մեծ Բրիտանիայից։ Դրանում եղել են զրահաբաճկոններ, բժշկական պարագաներ, նաև՝ սննդամթերք։ Այժմ սկսվել է այս ապրանքների նպատակային բաշխման գործընթացը։

Իրավապահները ճշտում են այն անձանց ինքնությունը, որոնք արգելափակել են այդ բեռներին մարդկանց հասանելիությունը, ինչի հետևանքով դրանց մի մասը պարզապես փչացել է։