00:00:00

Բախվել են ավտոմեքենաներ․ վարորդներից մեկի վիճակը գնահատվել է ծանր

20:10, 28 մարտ 2023 Պատահարներ

Մարտի 28-ին, ժամը 17:17-ին Լոռու մարզային ճգնաժամային կառավարման կենտրոն ահազանգ է ստացվել, որ Վանաձոր-Գյումրի ավտոճանապարհին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը։ 

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Վանաձոր-Գյումրի ավտոճանապարհի 3-րդ կմ-ին բախվել են «Infiniti» (վարորդ՝ Մ․ Դ․, ծնված 1997 թ․) եւ «VAZ-2105» (վարորդ՝ Վ․ Դ․, ծնված 1958 թ․) մակնիշների ավտոմեքենաները։

Մինչ փրկարարների կանչի վայր հասնելը՝ «Infiniti» մակնիշի ավտոմեքենայի վարորդը, «VAZ-2105» մակնիշի ավտոմեքենայի ուղեւորներ Կ․ Մ․-ն եւ Ա․-ն (ծնված 2020 թ․), տեղի ուժերով դուրս են բերվել ավտոմեքենաներից։ Կ․Մ․-ն եւ Ա․-ն տեղափոխվել են Վանաձորի ԲԿ, իսկ «Infinity» մակնիշի ավտոմեքենայի վարորդը՝ Սպիտակի ԲԿ, որտեղ տուժածների առողջական վիճակը գնահատվել է համապատասխանաբար ծանր եւ բավարար։

Փրկարարները հոսանքազրկել են ավտոմեքենաները, փակել գազի բալոնների փականները, «VAZ 2105» մակնիշի ավտոմեքենայից դուրս բերել վարորդի դին եւ մոտեցրել շտապօգնության ավտոմեքենային։

Լրահոս

Արխիվ

March 2017
Երկ ԵրքՉոր Հնգ Ուրբ Շաբ Կիր