Միջազգային քրեական դատարանը ձերբակալության օրդեր է տվել Ռուսաստանի նախագահ Վլադիմիր Պուտինին և ՌԴ նախագահին առընթեր երեխայի իրավունքների խնդրով լիազոր Մարիա Լվովա-Բելովային։ Այս մասին ասվում է ուրբաթ օրը հրապարակված դատարանի հայտարարության մեջ, փոխանցում է ՏԱՍՍ-ը։
Փաստաթղթում նշվում է, որ նրանք կարող են ներգրավված լինել «ռազմական հանցագործությունների մեջ, որոնք բաղկացած են բնակչության (երեխաների) անօրինական տեղահանությունից և Ուկրաինայի օկուպացված տարածքներից բնակչության (երեխաների) անօրինական տեղափոխությունից Ռուսաստանի Դաշնություն»։
