Փետրվարի 27-ին ժամը 12:19-ին, «911» ծառայություն ահազանգ է ստացվել՝ Ասկերան քաղաքի «Կյուքունց աղբյուր» կոչվող տեղանքում բռնկված հրդեհի մասին:
Հրդեհը շիջելու և կրակի տարածումը կանխելու նպատակով, անմիջապես դեպքի վայր է մեկնել Ասկերանի հրշեջ փրկարարական մասից հրշեջ փրկարարական մեկ մարտական հաշվարկ:
Հաշվի առնելով հրդեհի չափը, և դրա արագ տարածման վտանգը, ժամը 12:33-ին Ասկերանի հրշեջ փրկարարական մասից ևս մեկ հաշվարկ ուղարկվել է դեպքի վայր: Հրշեջ փրկարարաները հրդեհը մեկուսացրել են ժամը 14:10-ին, մարել՝ 14:40-ին:
Այրվել է մոտ 5,7 հա չոր խոտատարածք, մոշի թփեր և եղեգի բուսածածկույթ: Դեպքի առթիվ ստուգումներ է իրականացնում ԱԻՊԾ պետական հրդեհային և տեխնիկական անվտանգության տեսչությունը:
