Shamshyan.com-ի տեղեկություններով՝ երեկ՝ փետրվարի 15-ին, ՀՀ Ներքին գործերի նախարարության Ոստիկանության ՃՈ 2-րդ սպայական գումարտակի 1-ին վաշտի 2-րդ դասակի ծառայողները վաշտի հրամանատար Մառլեն Սարգսյանի, դասակի հարամանատար Արտյոմ Բեկլարյանի գլխավորությամբ երեկ Արտաշատ քաղաքում ծառայության ընթացքում նկատել են, որ Օգոստոսի 23-ի և Մարքսի փողոցների խաչմերուկի հատվածում Լexus մակնիշի 04 ՕՕ 444 համարանիշի ավտոմեքենայի վարորդը այն վարում է անկանոն։
Ճանապարհային ոստիկանները մոտ 100 մ հետապնդում են ավտոմեքենան և հարկադրաբար կանգնեցնում են այն։
Աղբյուրի հաղորդմամբ՝ վարորդը դուրս է գալիս ավտոմեքենայից և սկսկում հասարակության ներկայությամբ անհասցե հայհոյանքներ հնչեցնել, այդ կերպ կոպիտ կերպով խախտում է հասարակական կարգը, ու ճանապարհային ոստիկանները ինչքան էլ հոորդորում են, որպեսզի հասարակական կարգը չխախտի, ենթարկվի իրենց օրինական պահանջին, սակայն վարորդը շարունակում է նույն կերպ պահել իրեն։
Ահազանգով ժամանում է Ոստիկանության Արտաշատի բաժնի օպերատիվ խումբը, որոնց աջակցությամբ էլ այդ երիտասարդը խուլիգանություն կատարելու անմիջականորեն ծագած կասկածանքի հիմանավոր առկայությամբ ձերբակալվում է և Լexus-ի հետ տեղափոխվում Ոստիկանության Արտաշատի բաժին։
Պարզվում է, որ վերջինս Արարատի մարզի բնակիչ, 41-ամյա Ալիկ Ն․-ն է, ով ենթարկվում է սթափության փորձաքննության, որն էլ պարզում է, որ նա գտնվում է ոչ սթափ վիճկում։ Դեպքի փաստով Հայաստանի Քննչական կոմիտեի Արարատի մարզային Քննչական վարչությունում նախաձեռնվել է քրեական վարույթ։
Ավտոմեքենան տեղափոխվել է Ոստիկանության Արտաշատի բաժնի պահպանվող հատուկ տարածք։
