ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ ԱՄՆ-ն ահաբեկում է Ռուսաստանի նկատմամբ չեզոք դիրք ունեցող երկրներին, որպեսզի բացառի նրանց միջև ցանկացած համագործակցություն, փոխանցում է ՌԻԱ Նովոստին։
«Ռուսաստանին հնարավորինս մեծ վնաս պատճառելու մոլուցքով մղված՝ ԱՄՆ-ն ավելի ու ավելի հաճախ է դիմում երկրորդական պատժամիջոցներ սահմանելու սպառնալիքների կիրառմանը, որպեսզի ստիպի չեզոք պետություններին նվազեցնել համագործակցությունը մեր երկրի հետ, և միևնույն ժամանակ դա անվանում է համերաշխություն», - ասել է Զախարովան։
Նա ընդգծել է, որ փաստացի սա ոչ թե համերաշխություն է, այլ շանտաժ և սպառնալիք, և ՌԴ-ի ոչ բոլոր գործընկերներն են ի վիճակի եղել դիմակայել Միացյալ Նահանգների ճնշմանը։
