Թուրքիայի էներգետիկայի և բնական պաշարների նախարար Ֆաթիհ Դյոնմեզը հայտարարել է, որ երրորդ ատոմակայանի կառուցման համար Թրակիայում վայրի որշման աշխատանքները սկսվել են։ Ավելի վաղ Թուրքիայի նախագահ Ռեջեփ Էրդողանը հայտնել էր, որ ներկայում ռուսական պետական «Ռոսատոմ» կորպորացիայի կողմից կառուցվող Աքքույուի և նախագծվող Սինոպի ատոմակայաններից բացի նախատեսում են կառուցել նաև 3-րդ ատոմակայանը:
Դյոնմեզը, ի թիվս այլ թեմաների, խոսել է նաև Ռուսաստանի հետ ազգային արժույթներով առևտուր անելու մասին: Նա տեղեկացրել է, որ սկսված գործընթացն այս պահին ավելի է արագանում:
«Մեր վերջին հանդիպմանը պայմանավորվածություն ենք ձեռք բերել: Դրա հետ կապված մի շարք տեխնիկական աշխատանքներ պետք է ավարտվին հասցնել։ Առևտուրը մասամբ սկսվել է ռուբլով» տեղեկացրել է թուրք նախարարը։
