ՆԱՏՕ-ի գլխավոր քարտուղար Յենս Ստոլտենբերգը հեռախոսազրույցի ընթացքում Սերբիայի նախագահ Ալեքսանդր Վուչիչին կոչ է արել խուսափել Կոսովոյում եւ Մետոխիայում էսկալացիայից, հայտնել Է Վուչիչի վարչակազմը:
«ՆԱՏՕ - ի գլխավոր քարտուղար Յենս Ստոլտենբերգն այսօր զանգահարել է Սերբիայի նախագահ Ալեքսանդր Վուչիչին եւ կոչ արել, որ երկու կողմերն էլ Կոսովոյի եւ Մետոխիայի շուրջ վեճերում զերծ մնան այնպիսի քայլերից, որոնք էսկալացիա կառաջացնեն, որպեսզի նրանք ձեռնպահ մնան խաղաղությանն ու կայունությանը սպառնացող միակողմանի քայլերից», - ասված է հաղորդագրության մեջ:
