Հարավային Կորեան գրանցել է սահմանին Հյուսիսային Կորեայի ավելի քան 180 ռազմական ինքնաթիռների տեղաշարժ, ինչից հետո Հարավային Կորեայի զինված ուժերը շտապ կարգով օդ են բարձրացրել 80 կործանիչ։ Այս մասին հայտնում է Yonhap գործակալությունը։
«Հարավային Կորեան գրանցել է հյուսիսկորեական ավելի քան 180 ռազմական ինքնաթիռների տեղաշարժը, ինչին պատասխանել են անտեսանելի կործանիչներ ուղարկելով», - ասվում է գործակալության հաղորդագրության մեջ:
Երեկ տեղի է ունեցել Հարավային Կորեայի և ԱՄՆ պաշտպանության նախարարների հանդիպումը։ Բանակցություններից հետո երկու երկրների ներկայացուցիչները սպառնացել են վերջ դնել ԿԺԴՀ-ի ռեժիմին ԱՄՆ-ի և նրա դաշնակիցների վրա միջուկային հարձակման դեպքում:Վերջին մի քանի օրվա ընթացքում ԿԺԴՀ-ն ավելի ու ավելի շատ հրթիռներ է արձակում իր հարևանների ուղղությամբ: Նոյեմբերի 3-ին երեք հրթիռ է արձակվել դեպի Ճապոնական ծով, նոյեմբերի 2-ին առնվազն 17 հրթիռ է արձակվել Ճապոնական ծով և Դեղին ծով։