Իրանի Շիրազ քաղաքում գտնվող Շահ-Չերաղ սրբավայրում ահաբեկչություն կատարած անձը մահացել է, տեղեկացրել է Tasnim գործակալությունը՝ վկայակոչելով տեղական իշխանություններին։
«Ձերբակալության ժամանակ ստացված վնասվածքներից նա մահացել է Շիրազի հիվանդանոցներից մեկում»,- գործակալությանը հայտնել է Ֆարսի փոխնահանգապետը։
Հիշեցնենք, որ հոկտեմբերի 26-ի երեկոյան իրանական լրատվամիջոցները հայտնել էին, որ երեք անհայտ անձինք կրակ են բացել իրանական Շիրազ քաղաքի Շահ-Չերաղ սրբավայրում, որտեղ ուխտավորներ էին եղել։ Ահաբեկչության զոհ է դարձել 13 մարդ, 45-ը վիրավորվել են։
