2021-ին Հայաստանի գլխավոր դատախազությունը ստացել է 75 դիմում։ Դրանցից 68-ը վերաբերում է կոռուպցիոն բնույթի հանցագործություններին։ Այս մասին Ազգային ժողովի նիստին «Նախազգուշացման համակարգի մասին» օրենքում եւ հարակից օրենքներում փոփոխություններ եւ լրացումներ կատարելու մասին օրինագծերի փաթեթի քննարկման ժամանակ ասաց ՀՀ արդարադատության փոխնախարար Երանուհի Թումանյանցը։
Ընդ որում, 10 դիմումների հիման վրա հարուցվել է քրեական գործ։ 75 դիմումներից 70-ը անանուն էին, 59 դեպքով վարույթ է հարուցվել։
«Բացի այդ, 16 դեպքով վարույթի հարուցումը մերժվել է, իսկ 32-ի դեպքում՝ կարճվել։ Իսկ 47-ը, որոշվել է ուղարկել օպերատիվ-քննչական մարմին՝ հետագա ստուգման համար»,- ասաց Թումանյանցը։
Նա ընդգծեց, որ անանունությունն անվտանգության կարեւոր երաշխիք է։ «Վիճակագրությունը ցույց է տալիս նաեւ, որ քաղաքացիները նախընտրում են անանուն դիմել։ Դա կարեւոր պաշտպանություն է: Եթե այդ երաշխիքը չլինի, մենք պարզապես կդադարենք դիմումներ ստանալ։ Անանունության վերացումը միանշանակ այս ինստիտուտի գոյության իմաստի կորստի կհանգեցնի»,- ասաց փոխնախարարը։
