Հայ-թուրքական հարաբերությունների կարգավորման գործընթացի շրջանակում Հայաստանի հետ բանակցություններում Թուրքիայի հատուկ ներկայացուցիչ Սերդար Քըլըչը շնորհակալություն է հայտնել հայ գործընկերոջը՝ Հայաստանի Ազգային ժողովի փոխխոսնակ Ռուբեն Ռուբինյանին «անկեղծ ցավակցական խոսքերի համար»։
«Շնորհակալություն ձեր անկեղծ և շատ թանկ ցավակցական խոսքերի համար, հարգելի պարոն փոխխոսնակ։ Սա ձեր կողմից շատ բարի է»,- գրել է թուրք դիվանագետը Twitter-ում։
Հայ-թուրքական հարաբերությունների կարգավորման գործընթացում հայկական կողմի բանագնաց Ռուբեն Ռուբինյանը Twitter-ի իր միկրոբլոգում գրառում է կատարել՝ ցավակցելով Թուրքիայում տեղի ունեցած ճանապարհային խոշոր վթարի կապակցությամբ: Գրառման մեջ Ռուբինյանը նշել է թուրքական կողմի բանագնաց Սերդար Քըլըչին ու Թուրքիայի արտգործնախարարությանը։
«Իմ խորին ցավակցություններն եմ հայտնում Գազիանթեփում և Մարդինում ճանապարհատրանսպորտային պատահարների հետևանքով զոհվածների ընտանիքներին և ընկերներին։ Վիրավորներին շուտափույթ ապաքինում»,-գրել էր նա։
Հիշեցնենք, որ Թուրքիայում խոշոր վթար էր տեղի ունեցել, որի հետևանքով զոհվել էին մեծ թվով հրշեջներ, բուժաշխատողներ և լրագրողներ։
00:00:00
