ԱՄՆ պետքարտուղար Էնթոնի Բլինքենը նախօրեին հեռախոսազրույցներ է ունեցել ՀՀ վարչապետ Նիկոլ Փաշինյանի եւ Ադրբեջանի նախագահ Իլհամ Ալիեւի հետ։
ՀՀ վարչապետի եւ Ադրբեջանի նախագահի մամուլի ծառայությունների հետ մեկտեղ բանակցությունների մասին տեղեկություն էր տարածել նաեւ ԱՄՆ Պետդեպը:
«Պետդեպի հայտարարության մեջ նշվում է, որ զրույցի ընթացքում, ի թիվս այլ հարցերի, քննարկվել է նաեւ հայ-ադրբեջանական խաղաղ բանակցություններին ԵԱՀԿ Մինսկի խմբի ներկայացուցիչների մասնակցության վերսկսման թեման։
Դիվանագիտական աղբյուրներից haqqin.az-ին հասած տեղեկությունների համաձայն՝ Ալիեւի եւ Բլինքենի զրույցում Մինսկի խմբի մասին որեւէ հիշատակում չի եղել, ինչի կապակցությամբ աղբյուրն անկեղծ տարակուսանք է հայտնել այդպիսի ակնհայտ ապատեղեկատվության փաստի առնչությամբ՝ այն ծայրահեղ անտեղի եւ նույնիսկ անպատասխանատու անվանելով։ Կոմպետենտ եւ ճիշտ չէ քննարկել մոռացված ԵԱՀԿ Մինսկի խմբի վերակենդանացման գաղափարը»,- գրում է ադրբեջանական haqqin.az պարբերականը:
