Մոսկվայի հարավային շրջանում զանգվածային ծեծկռտուք է տեղի ունեցել միգրանտների միջև, որոնք հավանաբար Տաջիկստանից են: Ինչպես փոխանցում է ՏԱՍՍ գործակալությունը, ոստիկանության բաժանմունք են տեղափոխվել 66 ենթադրյալ իրավախախտներ: Գործակալության աղբյուրի փոխանցմամբ՝ զանգվածային ծեծկռտուքը տեղի է ունեցել նախօրեին երեկոյան՝ ենթադրաբար, Տաջիկստանի քաղաքացիների մասնակցությամբ և տրավմատիկ զենքի կիրառմամբ: Ընդհանուր առմամբ, կռվին ներգրավվել է 15 մարդ, սակայն մասնակցելու կասկածանքով ոստիկանություն է տեղափոխվել 66 մարդ: Քրեական գործ է հարուցվել զենքի կիրառմամբ խուլիգանության մասին: