Մայիսի 9-ն այն օրն է, երբ մենք տոնում ենք աշխարհի միավորումը ֆաշիզմի դեմ պայքարում, Հաղթանակի զբոսայգում լրագրողների հետ զրույցում ասաց ՀՀ-ում ԱՄՆ դեսպան Ռիչարդ Միլսը։ «Ամերիկյան ժողովուրդը երբեք չի մոռանա այն զոհողությունները, որին գնացել են այսքան ժամանակ խորդային Միության Հանրապետությունները, որոնց թվում էր նաև Հայաստանը», - ասաց նա։ Խոսելով Հայաստանում տեղի ունեցող վերջին զարգացումների մասին՝ Ռիչարդ Միլսն ասաց, որ ԱՄՆ-ում, ՀՀ-ում ԱՄՆ դեսպանությունը բոլորի նման ոգեշնչված են զարգացումների խաղաղ ընթացքից ու խաղաղ հանգուցալուծումից։ «Մենք շնորհավորում ենք պարոն Փաշինյանին վարչապետի պաշտոնում ընտրվելու կապակցությամբ, և մենք պատրաստ ենք աշխատել նրա կառավարության հետ ձևավորումից հետո ու շարունակել մեր գործընկերությունը Հայաստանի հետ», - ասաց նա։ Ռիչարդ Միլսը կարծում է՝ հիմա բոլորը համաձայն են՝ ժամանակն է, որ կառուցվեն կամուրջներ, պետք է թուլացվի լարվածությունը և կառուցվի այն նոր Հայաստանը, որը պահաջում ու որի համար փողոց էին դուրս եկել այդքան մարդիկ։ «Առաջիկա օրերի, ամիսների ընթացքում մենք կաշխատենք նոր կառավարության հետ՝ տեսնելու, թե ինչով Միացյալ Նահանգները կարող է օգտակար լինել Հայաստանում կոռուպցիայի դեմ պայքարին, ժողովրդավարության ամրապնմանը և ավելի ազատ տնտեսության ձևավորմանը», - ասաց ՀՀ-ում ԱՄՆ դեսպանը։   https://www.youtube.com/watch?v=miaOW_-lhro&feature=youtu.be