Իսպանիայի Պատգամավորների կոնգրեսը (խորհրդարանի ստորին պալատ) հավանություն է տվել կառավարության հրամանագրին, որով վերացվել է կորոնավիրուսի համավարակի պատճառով փողոցում պաշտպանիչ դիմակների պարտադիր կրումը: Այս մասին ասվում է պալատի՝ չորեքշաբթի շրջանառված մամուլի հաղորդագրության մեջ, հայտնել է ՏԱՍՍ-ը:
180 խորհրդարանականներ կողմ են քվեարկել հրամանագրին հավանություն տալուն, 90-ը՝ դեմ, 78-ը ձեռնպահ են մնացել:
Իսպանիայի կառավարության որոշման համաձայն՝ երկրի բնակիչները հունիսի 26-ից կարող են դրսում դիմակ չկրել՝ ապահով հեռավորության պահպանման պայմանով: Այս միջոցը գործել է շուրջ մեկ տարի: Չնայած ռեժիմի թուլացմանը՝ իսպանացիները դեռ պետք է դիմակներ կրեն բոլոր փակ հասարակական վայրերում:
