Գիշերը Սյունիքի մարզի Տեղ համայնքի գյուղերի սահմանային երկու դիրքում կրակոցներ են հնչել: Այս մասին 24News-ին տեղեկացրեց Տեղ համայնքի ղեկավար Ներսես Շադունցը: «Նշանառու կրակ չի եղել՝ դեպի օդ են կրակել: Կրակոցները հնչել են գիշերը ժամը մոտավորապես 2-ից մինչև 5-ի սահմաններում: Կրակոցները երկար չեն տևել, այս պահին վարչական սահմաններում հանգիստ է»,- տեղեկացրեց նա: Շադունցի խոսքով՝ կրակոցներ են հնչել նաև Խնածախ և Արավուս գյուղերի սահմանին: