Ֆրանսիայի նախագահ Էմանուել Մակրոնը, Սիդնեյում իր ելույթի ժամանակ, համեղ է անվանել Լյուսի Թերնբուլին՝ Ավստրալիայի վարչապետ Մալքոլմ Թերնբուլի կնոջը։ Ինչպես նշում է Vanity Fair պարբերականը, նա իր խոսքում անգլերենով անհաջող օգտագործել է delicious բառը։ Շփոթմունքը տեղի է ունեցել Սիդնեյում՝ երկու երկրների նախագահների համատեղ մամլո ասուլիսի ժամանակ։ Ես ուզում եմ շնորհակալություն հայտնել ձեզ հյուրընկալման համար, շնորհակալություն հայտնել ձեզ և ձեր համեղ կնոջը,– ասել է Մակրոնը։ Ֆրանսիայի նախագահի խոսքերը և՛ ԶԼՄ–ներն են մեջբերել, և՛ սոցցանցերի օգտատերերը։ Ենթադրվում է, որ Մակրոնը սխալ է թարգմանել ֆրանսերեն delicieux բառը, որը ունի նաև «հրաշալի, հիասքանչ» իմաստները։