Նրան հիշեցրինք, որ Նիկոլ Փաշինյանը ժամանակին հայտարարել էր, թե օլիգարխներն այլևս չպետք է տեղ ունենան քաղաքականության մեջ, և իրենց՝ 2018-ի ցուցակում էլ տեղ չգտան, բայց հիմա տեսնում ենք, որ երկու կարկառուն օլիգարխներ՝ Խաչատուր Սուքիասյանն ու Գուրգեն Արսենյանը, իրենց ցուցակի առաջին մասում են: Սա ինչպես կբացատրի: «Եթե սահմանեք՝ որն է կոչվում օլիգարխ, ես կպատասխանեմ»,- ասաց նա:
- Իսկ Ձեր պատկերացմամբ՝ ո՞րն է օլիգարխը:
-Իմ պատկերացմամբ՝ օլիգարխն այն անհատն է կամ անհատների խմբավորումն է, որ մեծ բիզնեսի մեջ ներգրավված լինելով հանդերձ՝ ունեն իշխանության մեջ ներկայացուցիչներ կամ իրենք են հանդիսանում իշխանության մաս, կամ հնարավորություն ունեն ազդելու այս կամ այն՝ ի նպաստ իրենց որոշումների վրա:
- Գրեթե իդեալական նկարագիր տվեցիք «օլիգարխ» հասկացությանը, հիմնական ընկալումն այդպիսին է, նաև օլիգարխն այն է, որ, լինելով խոշոր գործարար, քաղաքական գործընթացների վրա ազդելու հնարավորություն ունի: Հիմա՝ Խաչատուր Սուքիասյանն ու Գուրգեն Արսենյանը մշտապես քաղաքականության մեջ են ներգրավված եղել և ունեն խոշոր բիզնեսներ, նրանք օլիգարխ են, թե ոչ:
-Էս պահին իրենք օլիգարխ չեն:
-Իսկ ո՞ր պահին էին օլիգարխ:
-Եթե մենք հաջողության հասնենք, և իրենք կարողանան երկու հոգով էնպիսի իրավիճակ ստեղծել, որ կարողանան ազդել որոշումների վրա, որոնք կլինեն, այսպես կոչված, ի նպաստ իրենց բիզնեսների, այդ ժամանակ կարելի է իրենց համարել օլիգարխ, որը, ես համոզված եմ, տեղի չի ունենա:
-Այսինքն՝ եթե իշխանության գան, կդառնան օլիգա՞րխ:
-Ոչ, մեխանիկորեն դա չի նշանակում, որովհետև երկու հոգի եթե բիզնեսի ներկայացուցիչ են, ասենք, 60 հոգանոց թիմում, նրանք չեն կարող օլիգարխ լինել:
-Իսկ Գագիկ Ծառուկյանն օլիգա՞րխ է, թե ավելի շատ խոշոր սեփականատեր է:
-Ոչ, Գագիկ Ծառուկյանն օլիգարխ չէ, որովհետև ինքն իշխանության մաս չի կազմում՝ գործադիր իշխանության, ես նկատի ունեմ:
-Ստացվում է՝ բոլոր այն մարդիկ, որոնք օլիգարխ են եղել ժամանակին, այսօր հենց մտան ձեր ցուցակ, այլևս օլիգարխ չե՞ն՝ սահմանման ինչ-ինչ նրբություններից ելնելով:
-Ոչ, և իրենք հնարավորություն ունեն դառնալու օլիգարխ, և մեր մեջ էլ կարող են ծնվել մարդիկ, որոնք կարող են դառնալ օլիգարխ, եթե թույլ տա մեր քաղաքական թիմն իր գործելակերպով:
-Դուք ժամանակին հարցազրույց եք տվել ու քննադատել եք Խաչատուր Սուքիասյանին՝ ասելով, թե նա Սերժ Սարգսյանի կենացն էր խմում: Հիմա Դուք Սերժ Սարգսյանի կենացը խմողի հետ նույն ցուցակով գնում եք ընտրությա՞ն:
-Ես չեմ քննադատել, որ ինքը Սերժ Սարգսյանի կենացն ա խմում, ես էդ փաստն եմ արձանագրել:
-Իսկ դա դրակա՞ն փաստ է, որ ձեր ցուցակի անդամը Սերժ Սարգսյանի կենացն էր խմում:
-Դա արդեն թող յուրաքանչյուրն ինքն իր համար դատի, որոշի, թե ինչ հանգամանքներում է դա տեղի ունեցել, և ինքն իր հետևությունն անի: Ես չեմ ասել՝ վատ ա... իմ ասածի էությունը կայանում էր նրանում, որ չի կարելի երեկ ընկեր լինել, էսօր ուրիշ ձևով խոսել:
-Հենց այդ սկզբունքայնության տեսանկյունից, որ Խաչատուր Սուքիասյանը նախկինում ընկեր էր Սերժ Սարգսյանին, նրա հետ նստում-ելնում էր, նրա կենացն էր խմում, Սերժ Սարգսյանը նրա «մոլի» բացմանն էր գալիս, իսկ այսօր քննադատում է Սերժ Սարգսյանին, Ձեզ համար այդ որակներն ընդունելի են:
-Ես իմ անձնական կարծիքն եմ հայտնում, որ ես էդքան էլ հաշտ չեմ էդ մտքերի հետ, բայց դե, բոլոր դեպքերում, քաղաքական թիմը որոշում է կայացրել, և ես պարտավոր եմ կամ ենթարկվել այդ որոշմանն ու աշխատել ընդհանուր թիմային տրամաբանությամբ, կամ հետևություն անել:
-Իսկ Դուք չեք բարձրացրել այդ հարցը, որ՝ հարգելիներս, այս ինչ եք անում:
-Ես այդ հարցը չէի կարող բարձրացնել՝ մի պարզ պատճառով, որովհետև ես չունեմ համապատասխան կարգավիճակ, ես ոչ վարչության անդամ եմ, ոչ շտաբի անդամ:
-Կարող էիր այսպես՝ հարցազրույցներով բարձրաձայնել այդ մասին, որ չեք պատրաստվում գնալ մի ցուցակով ընտրության, որի մեջ կան նման «սկզբունքայնության» մարդիկ, որոնք Սերժ Սարգսյանի ընկերն են եղել ժամանակին:
-Ես էդպիսի տեսակետին համաձայն չեմ, որովհետև, եթե Դուք էդքան հետևողական լրագրող եք, կարող եք նաև մեջբերել իմ ուրիշ ասած խոսքերը Սերժ Սարգսյանի և նրա թիմի մասին: Ես ասել եմ, որ Սերժ Սարգսյանի թիմում մարդիկ, բացի նրանից, որ Սերժ Սարգսյանի հետ կապված են անձնական ինչ-ինչ հանգամանքներից ելնելով, այդուհանդերձ, նրանց մեջ կա նաև գաղափարական շաղախ՝ ի տարբերություն Ռոբերտ Քոչարյանի:
-Ինչո՞ւ է ձեր թիմն այսպես վախեցած Սերժ Սարգսյանից, Ռոբերտ Քոչարյանից, նախկինների վերադարձից: Ի՞նչ են անելու նրանք ձեզ, որ վերադառնան:
-Սերժ Սարգսյանից վախեցած չենք, ես Ռոբերտ Քոչարյանից եմ վախեցած, որովհետև ինքը վախենալու մարդ է, ես էլ վախկոտ տղա եմ:
-Բայց մենք Ձեզնից նման տպավորություն չէինք ստացել, Դուք գելխեղդների մեջ չե՞ք մտնում, բա գելխեղդների թիմի ներկայացուցիչը կվախենա՞ ինչ-որ մեկից:
-Մյուսները վախկոտ չեն, ես եմ վախկոտը:
-Այսինքն՝ ձեր իշխանության մի մասն է գելխեղդ:
-Վախկոտ գելխեղդ չի՞ լինում, ես վախկոտ գելխեղդ եմ»,-գրում է թերթը։
Նյութն ամբողջությամբ կարդացեք թերթի այսօրվա համարում։
«Իմ քայլը» խմբակցության ամենակոլորիտային, թերևս ամենաբարի ու անկեղծ, երկրին երևի թե ամենաքիչ վնաս տված պատգամավորներից մեկը՝ Հովիկ Աղազարյանը ևս մասնակցում է այս ընտրություններին: Նրան գրել են «Քաղաքացիական պայմանագիր» կուսակցության նախընտրական ցուցակի «հոբելյանական»՝ 70-րդ համարում: Դիտարկմանը, թե բավականին հետ է ընկել ցուցակում, Աղազարյանն ասաց. «Դա ինչ կապ ունի, հաղթելու դեպքում անցողիկ ա, չհաղթելու դեպքում... չանցողիկ»:
