Մայիսի 31-ին «Tiktok» հարթակում տեղադրել է մի տարօրինակ դեպքի տեսագրություն, որը տեղի է ունեցել ԱՄՆ Կալիֆոռնիա նահանգում: Տեսանյութը համացանցում զետեղել է «bakedlikepie» անունով օգտատերը, ով հոլովակի հերոսուհու զարմիկն է: «Իմ զարմիկ Հեյլին հրեց արջին  ցանկապատից` փրկելով իր շներին: Ինչպե՞ս անցավ ձեր Հիշատակի օրը»,- հրապարակմանը կից գրել է օգտատերը: Տեսանյութում երևում է, թե ինչպես է 17-ամյա Հեյլին պայքարում արջի դեմ, որն իր երկու ձագերի հետ մագլցել է տան ցանկապատի վրա և բռնել իր շներից մեկին: Երիտասարդ ամերիկուհին կարողանում է հրել արջին և, վերցնելով շանը, փախչել տուն:

Ի վերջո, ամեն ինչ լավ է ավարտվել. արջերի ընտանիքը շուտով հեռացել է: Շները միայն փոքր-ինչ վախեցել են, իսկ աղջկա հետ ամեն ինչ կարգին է, միայն թե խոստովանում է` առաջին անգամ է ականատես եղել արջի հարձակմանը եւ հույս ունի, որ դա այլեւս չի կրկնվի: Life.ru-ի հաղորդմամբ` տեսանյութը «TikTok-ում 14 ժամում դիտել է ավելի քան 40 միլիոն օգտատեր: https://www.youtube.com/watch?v=a983pnB0jN4