Պատրաստ ենք սկսել զորքերի հետքաշումը Սոթք-Խոզնավար հատվածից. սպասում ենք ազդանշանի ԵԱՀԿ-ից: Այսօր կրկին իր պլանն իրագործելու պատրաստակամության մասին է հայտնել վարչապետի պաշտոնակատար Նիկոլ Փաշինյանը:
Հիշեցնենք, որ օրեր առաջ Փաշինյանը ներկայացրել է իրավիճակի հանգուցալուծման իր պլանը, որով առաջարկում է Սոթք-Խոզնավար սահմանային հատվածից մշտական տեղակայման վայրեր վերադարձնել Հայաստանի եւ Ադրբեջանի Զինված ուժերի ստորաբաժանումները եւ այդտեղ տեղակայել «Ռուսաստանի կամ ԵԱՀԿ Մինսկի խմբի համանախագահ երկրների դիտորդներին»:
Ինչից հետո, ըստ Փաշինյանի, «Ռուսաստանի կամ ԵԱՀԿ Մինսկի խմբի համանախագահ երկրների ներկայացուցիչների հովանու ներքո» կարող է իրականացվել սահմանային կետերի ճշգրտման աշխատանքը:
«Եթե սահմանազատում լինի հօգուտ մեզ լինի, հա, թե չէ՝ եվրոպացին էլ, ամերիկացին էլ գա, կանգնի նույն տեղը, որտեղ թուրքն է, մեզ ինչ օգուտ, հենա կանգնած են էլի, ռուսական զորքը թող գա, կանգնի, թե իրանք գան, կարող ա մի օգուտ լինի »:
