Հարցը տեսական է, պետք է բոլոր սցենարները քննարկել,- ֆեյսբուքյան իր էջում գրում է քաղաքագետ Ստեփան Դանիելյանը՝ անդրադառնալով հայ-ադրվեջանական սահմանին տիրող իրավիճակին:
«Նա մասնավորապես գրել է.
Տեսական հարց
Եթե սահմանին առաջ եկող ադրբեջանիցների նկատմամբ կրակ բացվի ու նրանց զինվորների շրջանում լինեն զոհեր, հետագա զարգացումներն ինչպիսի՞ ընթացք կունենան։
- Ինչպես կպահի իրեն ՀԱՊԿ-ը, եթե մենք պաշտպանենք մեր սահմանը։ Այդտեղ ՀԱՊԿ-ի գոյության խնդիրն է լուծվելու, կախված նրանից, թե իրեն ինչպես կպահի։
- Ինչպես իրեն կպահի "միջազգային հանրությունը", երբ սահմանների անխախտելիության խնդիր առաջանա, դա կարող է նմանատիպ ապագա մեծ ցնցումների համար նախադեպ հանդիսանալ,
-Ինչպես իրեն կպահի Իրանը, որի համար Սյունիքը ոչ միայն կենսական, այլև ապագայ զարգացումների տրամաբանության մեւ երկրի փլուզման, կամ չփլուզման սկիզբ կարող է հանդիսանալ։
- Ինչպես իրենց կպահեն այն երկրները, որոնց համար Թուրքիան պոտենցիալ սպառնալիք է։
- Ինչպիսի աշխարքաղաքական փոփոխություններ կլինեն, եթե Հայաստանը կորցնի իր սուվերենությունը։
Ալիևը իր շահերի տեսակետից ճիշտ քայլեր է անում, պետք է անընդմեջ շանտաժ անի Հայաստանին, Ռուսաստանին, Իրանին ու մաքսիմալ շատ բան պոկի, իսկ մենք մեզ ինչպես ենք պահում, որոնք են մեր օպտիմալ քայլերը, մեր շանտաժի հնարավորությունները։
Կարծում եմ պետք է պատասխան քայլ անել ու դրա հետևանքով ՄԱԿ-ի անվտանգության Խորհրդի խնդիր դարձնել իրավիճակը։
Ինչ վերաբերվում է թյուրիմացությանը, ապա նա հենց այս ամենի համար է 2018-ին եկել իշխանության, իր ծրագիրն է իրականացնում ու համոզված է իր ճիշտ լինելու մեջ ու հետ քայլ չի անելու։
Հ․Գ․ Հարցը տեսական է, պետք է բոլոր սցենարները քննարկել»,- գրել է Դանիելյանը։
00:00:00
