Նրանց տվյալների համաձայն, Ճապոնիայի մարզիկների հիմնական մասը, որոնք մասնակցելու են Օլիմպիական խաղերին, պետք է մինչեւ հունիսի վերջը պատվաստվեն Տոկիոյի Ազգային ուսումնական կենտրոնում: Մինչդեռ Ճապոնիայի Պարալիմպիական կոմիտեն պլանավորում է մարզիկների պատվաստումն անցկացնել հունիսից մինչեւ հուլիս ընկած ժամանակաշրջանում: Ավելի վաղ մայիսի 12-ին Միջազգային օլիմպիական կոմիտեի (ՄՕԿ) հաղորդակցությունների գծով տնօրեն Մարկ Ադամսը հայտնել է, որ մարզիկների եւ Տոկիոյի Օլիմպիական խաղերում նրանց ուղեկցողների մեծամասնությունը պատվաստվելու են COVID-19-ի դեմ:

Սպասվում է, որ պատվաստանյութերի բաշխումը կսկսվի մայիսի վերջին, եւ մարդիկ պետք է երկու չափաբաժին ստանան երեք շաբաթվա ընթացքում: Տոկիոյի Օլիմպիական եւ Պարալիմպիական խաղերը պետք է անցկացվեին 2020 թվականի ամռանը, սակայն կորոնավիրուսի համավարակի պատճառով դրանք ստիպված եղան տեղափոխել 2021 թվականին: Արդյունքում Օլիմպիական խաղերի անցկացումը պլանավորված է հուլիսի 23-ից մինչեւ օգոստոսի 8-ը, Պարալիմպիականը՝ օգոստոսի 24-ից մինչեւ սեպտեմբերի 5-ը, հաղորդել է «Ինտերֆաքս»-ը: