Թուրքիայի նախագահի թեկնածու՝ քրդամետ «Ժողովուրդների դեմոկրատական կուսակցության» նախկին համանախագահ, 2016 թվականի նոյեմբերից կալանքի տակ գտնվող Սելահաթդին Դեմիրթաշին մինչև 5 տարվա ազատազրկում է սպառնում: «Անադոլու» գործակալության հաղորդմամբ, այսօր Ստամբուլի ծանր հանցագործությունների 26-րդ դատարանում տեղի ունեցած նիստի ընթացքում դատախազը 2013 թվականին Ստամբուլում Նովրուզի տոնակատարության ժամանակ «ահաբեկչական խմբավորման քարոզչություն իրականացնելու» մեջ մեղադրվող Դեմիրթաշի համար մինչև 5 տարվա ազատազրկում է պահանջել: