ԱՄՆ պետքարտուղարության խոսնակ Հեդեր Նյուարթը հանդես է եկել հայտարարությամբ Հայաստանում ընթացող զարգացումների մասին, հայտնում է Ամերիկայի ձայնը: Հայտարարության մեջ, մասնավորապես, ասված է.
«Միացյալ Նահանգները շարունակում է ուշադիր հետևել Հայաստանում տիրող իրադրությանը: Որպես Հայաստանի բարեկամ՝ մենք հորդորում ենք բոլոր կողմերին կառուցողական բանակցությւոններ վարել նոր կառավարության ձևավորման շուրջ` Սահմանադրության դրույթների հիման վրա և հասնել խնդրի այնպիսի կարգավորմանը, որը կարտահայտի բոլոր հայերի շահերը:
Մենք աջակցում ենք նախագահ Սարգսյանի աշխատակազմի շարունակական ջանքերին՝ ուղղված բոլոր կողմերի միջև երկխոսությանը նպաստելուն: Մենք շարունակում ենք գոհունակություն հայտնել ցույցերի խաղաղ բնույթի կապակցությամբ և հավատալ, որ առաջիկա օրերին անվտանգության ուժերն ու նրանք, ովքեր իրականացնում են խաղաղ ցույց անկացնելու իրենց իրավունքը, կմնան հավատարիմ բռնի ուժի կիրառումից հրաժարվելու մոտեցմանը:
