Եվրամիության վիճակագրական ծառայությունը ներկայացրել է ամենամեծ պետական պարտքով ԵՄ անդամ երկրների տվյալները։ Պարզվում է, որ Հունաստանը ԵՄ-ում ամենամեծ չափով պարտն ունեցող երկիրն է: 2017 թվականի չորրորդ եռամսյակի դրությամբ Հունաստանի պարտքը կազմել է ՀՆԱ–ի 178.6 տոկոսը։ Նրա հետևից գալիս են Իտալիան և Պորտուգալիան՝ նրանց ցուցանիշները համապատասխանաբար 131,8 և 125,7 տոկոս են կազմում։ Բավական մեծ պարտք ունի նաև Բելգիան (103,1%), Իսպանիան (98,3%) և Ֆրանսիան՝ (97%): Եվրամիության երկրների մեջ ամենափոքր պետական պարտքը Էստոնիայինն է՝ ՀՆԱ–ի ընդամենը 9%–ը: