Լոռու մարզպետ Անդրեյ Ղուկասյանը բացառում է Վանաձորի քաղաքապետի ընտրություններին իր առաջադրվելը։ Այդ մասին Ղուկասյանը նշեց «Քաղաքացիական պայմանագիր» կուսակցության ընդլայնված նիստից առաջ լրագրողների հետ զրույցում։ Իր առաջադրվելու լուրերի հետ կապված մարզպետը հակիրճ պատասխան տվեց. «Բացառում եմ»։ Անդրադառնալով մարզպետի պաշտոնից ազատվելու լուրերին՝ Անդրեյ Ղուկասյանը նշեց, որ նման քննարկում չի եղել։