Արդեն գործնականում 6 օր շարունակ ունեինք 200-ից նվազ դեպք. երեկվա ցուցանիշը մի փոքր բարձր է՝ 203. իհարկե, նաեւ թեստերի ավելի մեծ թիվ ենք ունեցել: Այս մասին այսօր՝ օգոստոսի 27-ին կառավարության նիստի սկզբում հայտարարեց ՀՀ վարչապետ Նիկոլ Փաշինյանը: «Կարող ենք ասել, որ նախորդ տարվա տվյալներով դեպքերի նվազման միտումը, որ կանգ էր առել, նորից սկսում է շարունակվել»,-ասաց նա: Վարչապետը կարևորեց հակահամաճարակային կանոնների պահպանումը, որի որակով է պայմանավորված թվի մեծությունը. «Մենք պետք է մաքսիմալ նախանձախնդիր լինենք կանոնները պահպանելու հարցում»: