Սահմանափակումները որոշակիորեն պետք են, քանի որ մենք ունենք այս համավարակի խնդիրը, առանց սահմանափակումների դժվար է վերադառնալ ամբողջապես նորմալ իրավիճակի, բայց այդ սահմանափակումները պետք է քննարկվել եւ լինեն այնպես որ համաչափություն ապահովվի: Այս մասին այսօր՝ հուլիսի 31-ին, ֆեյսբուքյան ուղիղ եթերում ասաց ասաց «Իրավական ուղի» ՀԿ համահիմնադիր Ռուբեն Մելիքյանը՝ խոսելով կորոնավիրուսի պայմաններում հավաքների ազատության սահմանափակման մասին:
Նա նշեց, որ օրինակ դիմակ կրելու պահանջը նորմալ պահանջ է, հեռավորություն պահպանելը եւս: «Ամեն դեպքում կարեւոր է գիտակցել, որ դա ողջամիտ պահանջ է: Սակայն դժվար կլինի ոստիկանության տեղեկացնելու պահանջը, երբ խոսքը վերաբերվում է ինքնաբուխ հավաքներին, քանի որ դրա ամբողջ էությունը հենց այն է, որ ինչ-որ մի իրադարձություն է տեղի ունենում, որն արագ արձագանք է պահանջում, դա նույնպես կարող է քննարկման առարկա դառնալ եւ լուծումներ տրվեն դրան»,- ասաց Ռուբեն Մելիքյանը:
Մելիքյանի համոզմամբ, ոստիկանությունը հավաքների դեպքում պետք է հաշվի առնի տվյալ տարածքի առանձնահատկությունները եւ հնարավորություն ստեղծի, որ մարդիկ սոցիալական հեռավորությունը պահպանելով իրենց հավաքն իրականացնեն: «Ոստիկաության ծառայողների կողմից սոցիալական հեռավորություն չպահելը շատ ավելի տարածված է, քան, քաղաքացիների դեպքում, այստեղ եւս կարելի է ինչ-որ փաստարկներ բերել, որ ամբողջովին հնարավոր չէ պահել այդ հեռավորությունը՝ նրանց ծառայության առանձնահատկություններից ելնելով, երեւի նույնիսկ 10 սմ չի պահպանվում դա:
Կարեւոր է նաեւ, թե ոստիկաններն ինչպիսի մեսիջներով են դիմում քաղաքացիներին, արդյոք դա չի սահմանափակում նրանց իրավունքները ինքնաբուխ հավաք իրականացնելիս»,-ասաց Մելիքյանը:
Նա նշեց, որ կան հարցեր, որոնք պետք է ավելի մանրակրկիտ ուսումնասիրվեն, որպեսզի պահպանվեն բոլոր համաչափությունները:
«Սա էլ է հարց, որ պետք է ոստիկանության հետ աշխատել եւ ներկայացնել փաստարկներ, որ կան ուղերձներ, որոնք այնքան էլ իրավաչափ չեն»,-հավելեց Ռուբեն Մելիքյանը:
00:00:00
