2․ ԱՄՆ-ում մահացությունը շատ չէ՝ 5,85%, իսկ վերջին օրերին այնտեղ սկսվել է նաև վարակվածության ցուցանիշների անկում՝ 1% օրական աճ, իսկ առողջացածների թիվն աճում է 2%-ով։ 3․ Ռուսաստանում մինչև մայիսի 25-ը մեծ թվով աճում էր վարակվածների քանակը, սակայն հաջորդ օրերից սկսվեցին թվերի նվազումներ։ Մահացության ցուցանիշն այնտեղ շատ չէ՝ մոտ 1․1%, իսկ վարակվածության (3%) և առողջացածների (7%) տոկոսային հարաբերակցությունը բավական մեծ է՝ հօգուտ առողջացածների: 4. Ուկրաինայում մի փոքր մեծ է մահացության ցուցանիշը՝ 2,99%, բայց այնտեղ հաջողությամբ պայքարում են վարակվածության դեմ հետևյալ տոկոսային հարաբերակցությամբ՝ վարակվածության օրական 3% և առողջացածների օրական 6% աճ, ստացվում է՝ այնտեղ օրական կիսով չափ նվազում է վարակվածների թիվը։ 5․ Հայաստանի ցուցանիշներին հարևանող Նորվեգիայում և Չեխիայում ևս վերջին օրերին սկսվել է կայունացում, թեև այնտեղ մահացությունը 2,81%-3.49% է։ 6․ Հայաստանի պարագայում մենք դեռևս բացասական ուղղությամբ ենք գնում, ինչը կապված է մայիսի 4-ից սահմանափակումների թուլացման հետ։ Մեր երկրում այժմ վարակվածությունը ավելանում է օրական 6%-ով, իսկ առողջացածների թիվը՝ 1%-ով։ Մահացության մակարդակը բավական ցածր է՝ 1,38%, ինչը համարվում է հաջողված ցուցանիշ, եթե համեմատենք Ֆրանսիայի 15%-ի, Իտալիայի 14%-ի, Իսպանիայի 10%-ի հետ։ Նշված բոլոր երկրներում վիճակագրությունը ցույց է տվել, որ այնտեղ բռնկումը սկզբում եղել է դանդաղ, ապա արագացել է սահմանափակումների թուլացմանը զուգընթաց և հասել պիկին 1-1,5 ամսվա ընթացքում, հետո սկսել է նվազել։ Հայաստանում իրականում ոչ թե կա 8200, այլ 4800 հիվանդ, քանի որ, ըստ պաշտոնական տվյալների՝ 3200-ից ավելի մարդ առողջացել և տուն է գնացել։ Նաիրի Հոխիկյան