Հայաստանում մայիսի 26-ին՝ ժամը 11:00-ի դրությամբ նոր կորոնավիրուսով վարակվելու 289 նոր դեպք է գրանցվել: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը: Ընդհանուր առմամբ՝ մայիսի 26-ին հաստատվել է կորոնավիրուսի 7402 դեպք: Ընդհանուր թեստերի թիվը կազմում է 52554 (վերջին մեկ օրում՝ 960): Փաստացի այս պահին բուժվում է 4052 անձ (մեկ օրում ավելացել է 210-ով): Վերջին տվյալներով ապաքինվել է 3220 անձ (վերջին մեկ օրում՝ 75 մարդ): Ընդհանուր առմամբ, 91 պացիենտ մահացել է (ավելացել է 4-ով):