Մեծ Բրիտանիայի վարչապետ Բորիս Ջոնսոնին տեղափոխվել են ինտենսիվ թերապիայի բաժանմունք: Ջոնսոնը հոսպիտալացվել էր երեկ: Վարչապետի մամուլի պատասխանատուները հայտնել էին, որ Ջոնսոնը վերահսկողության տակ է և ունի բարձր ջերմություն: Հիվանդանոց տեղափոխվելուց հետո  Բորիս Ջոնսոնը թվիթերի միկրոբլոգում գրել էր. «տրամադրությունս շատ բարձր է, ես անմիջական կապի մեջ եմ աշխատանքային թիմի հետ, և մենք միասին շարունակում ենք կորոնավիրուսի դեմ պայքարը»: Վարչապետ Ջոնսոնի մոտ հայտնաբերվել էր կորոնավիրուս, իսկ ավելի վաղ Բրիտանիայի կառավարությունը հայտնել էր, որ եթե նա չկարողանա կատարել իր պարտականությունները նրան կփոխարինի արտաքին գործերի նախարար Դոմինիկ Ռաաբը: