Անգլիական «Մանչեսթեր Յունայթեդի» գլխավոր մարզիչ Ուլե-Գունար Սուլշերն ակումբի ղեկավարությունից պահանջել է ձմեռային տրանսֆերային պատուհանի ընթացքում ևս 1 ձեռքբերում կատարել: The Telegraph-ի հաղորդմամբ՝ նորվեգացի մասնագետը ցանկանում է իր տրամադրության տակ նոր կենտրոնական հարձակվող ունենալ: Սուլշերը համաձայն է նոր հարձակվողի ձեռքբերմանը նաև վարձակալական տարբերակով: «Մանչեսթեր Յունայթեդն» այժմ հետաքրքրվում է իսպանական «Ռեալ Սոսյեդադի» հարձակվող Վիլիան Ժոզեի ծառայություններով: Հիշեցնենք, որ ձմեռային տրանսֆերային պատուհանի ընթացքում «Մանչեսթեր Յունայթեդը» պայմանագիր է կնքել պորտուգալական «Սպորտինգի» և Պորտուգալիայի ազգային հավաքականի կիսապաշտպան Բրունու Ֆերնանդեշի հետ: Բրունու Ֆերնանդեշի պայմանագիրը «Մանչեսթեր Յունայթեդի» հետ նախատեսված է մինչև 2025 թվականի հունիս՝ տարեկան 6 միլիոն եվրո աշխատավարձով: Ընթացիկ մրցաշրջանում 25-ամյա կիսապաշտպանը «Սպորտինգի» կազմում մասնակցել է 18 հանդիպման՝ դառնալով 8 գոլի և 7 գոլային փոխանցման հեղինակ: