«Բարսելոնայի» նախկին հարձակվող, բրազիլացի Ռիվալդոն մեկնաբանել է Էռնեստո Վալվերդեի պաշտոնանկությունը կատալոնական ակումբի գլխավոր մարզիչի պաշտոնից։ «Ակնհայտ է, որ «Բարսելոնան» այնքան էլ լավ չկարողացավ հարթել մարզիչի փոփոխության հետ կապված իրավիճակը։ Նրանք հարգանք չդրսեւորեցին Վալվերդեի նկատմամբ։ Վատ է բանակցել նոր մարզիչի հետ, երբ նախորդը դեռ աշխատում է։ Ֆուտբոլն անողոք բիզնես է»,- Ռիվալդոյի խոսքը մեջբերում է Goal.com-ը։ Հիշեցնենք, որ «Բարսելոնան» գլխավոր մարզիչի պաշտոնում նշանակել է 61-ամյա իսպանացի Կիկե Սետիենին, որը փոխարինել է Վալվերդեին։ Սետիենը կնքել է 2,5 տարվա պայմանագիր: